Spiring

Spiring er ein biologisk prosess der ein plante eller sopp byrjar å veksa frå eit frø eller ein spore.

Animasjon av solsikkespiring

Spire av Adonidia merrillii, Manila-palme.

Når eit frø spirer, sender det ei kimrot ut gjennom frøskalet og ned i vekstmediet. Deretter sendar det ut eit skot med eitt (hjå einfrøblada plantar) eller to frøblad (hjå tofrøblada plantar). Dette dannar ein kimplante eller frøplante.^[1]

Tilgang på vatn er det viktigaste elementet for å byrja spiringa. Plantar kan også vera avhengige av ein viss temperatur og/eller tilgang på oksygen og lys eller mørke.^[1][2] Nokre frø treng også å gå gjennom ein prosess før dei kan spira, som å bli utsette for låge temperaturar (vernalisering), lett skading eller svekking av frøskalet^[3] eller røyk.^[4]