Staffan Strand

Bo Staffan Strand (fødd 18. april 1976) er ein svensk tidlegare høgdehoppar frå Upplands Väsby. Han vann høgdetevlinga ved innandørs-EM 2002 og tok bronsemedaljen i EM i friidrett 2002. Strand sitt personbeste innandørs er 2,35 meter, utandørs nådde han ikkje høgre enn 2,32 m. Han vart svensk meister i høgdehopp 1995-97.

Staffan Strand
Statsborgarskap	Sverige
Fødd	18. april 1976 (49 år) Upplands Väsby
Idrett	friidrett
Tok del i	Sommar-OL 2004, Sommar-OL 2000

Strand sette personleg rekord i Nice sommaren 2000 med eit hopp på 2,32 meter. Same høgda klarte han også i OL-finalen 2000 i Sydney, noko som gav han ein delt sjetteplass. Innandørssesongen 2002 vann han høgdetevlinga i europameisterskapen i Wien då han svinga seg over 2,34 meter, eit par månader seinare presterte han 2,35 m i Stockholm. Under Friidretts-EM 2002 kneip han bronsemedaljen, trass i at han ikkje hoppa høgre enn 2,27 m.

Medaljar og plasseringar i internasjonale meisterskap

• VM 1997 i Aten: Utslått kvalifiseringa (2,23 m=nr 15)
• EM 1998 i Budapest: Nr 8 – 2,27 m
• VM 1999 i Sevilla: Nr 5 – 2,29 m
• OL 2000 i Sydney: nr 6 – 2,32 m
• VM 2001 i Edmonton: Nr 6 – 2,25 m
• EM 2002 i München: Bronsemedalje – 2,27 m
• VM 2003 i Paris: Utslått kvalifiseringa (2,20 m=nr 22)
• OL 2004 i Aten: Utslått kvalifiseringa (2,25 m=nr 18)

Kjelder

• Denne artikkelen bygger på «Staffan Strand» frå Wikipedia på svensk, den 8. juni 2022.