Statsråd Rolf Jacobsen

Rolf Jacobsen (30. november 1865–22. februar 1942) var ein norsk jurist og Venstre-politikar. Han var statsråd 1924-26 i den første Mowinckel-regjeringa. Albert Jacobsen var far hans, Oscar Jacobsen farbror hans.

For lyrikaren, sjå Rolf Jacobsen.

Rolf Jacobsen
Fødd	30. november 1865 Fredrikstad
Død	22. februar 1942 (76 år)
Statsborgar av	Noreg
Parti	Venstre
Yrke	Høgsterettsadvokat, sorenskrivar
Far	Albert Marius Jacobsen
Verv	Norsk forsvarsminister 1924–1926
Føregangar	Karl Wilhelm Wefring
Etterfylgjar	Karl Wilhelm Wefring
Verv	Stortingsrepresentant 1913–1918
Verv	Ordførar i Narvik 1910–1911
Alle verv	stortingsrepresentant (1913–1915) Norsk forsvarsminister (1924–1926) stortingsrepresentant (1916–1918) ordførar i Narvik (1911–1911)

Jacobsen var fødd i Fredrikstad. Han tok examen artium i 1881 og vart cand.jur. i 1885. Han var 1885-90 fullmektig hos sorenskrivaren i Nordre Gudbrandsdalen. Advokatfullmektig i Kristiania 1890-93, samstundes som han arbeidde med å utarbeide eit nytt panteregister for Aker sorenskriveri. Høgsterettsadvokat i Kristiania 1893-1903. Sidan var han sorenskrivar i Steigen frå 1903 og i Vinger og Odalen 1917-24 og 1926-36.

Jacobsen var medlem av Narvik formannskap 1907-10, ordførar 1910-11 og varaordførar ein periode, 1912-14. Medlem av Vinger heradsstyre 1919-25 og 1928-36.

Jacobsen var innvald på Stortinget frå Nordre Salten krins i Nordland 1913-1918, og var heile tida formann i konstitusjonskomitéen. Han var aktiv i fråhaldsrørsla, og støtta opp om brennevinsforbodet. Jacobsen var forsvarsminister i Johan Ludwig Mowinckels første regjering som styrte Noreg frå 25. juli 1924 til 4. mars 1926.

Kjelder

• Lindstøl, Tallak: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Statsråd Rolf Jacobsen NSD Norsk senter for forskningsdatas politikararkiv