Stockholms blodbad

Stockholms blodbad var dei mange avrettingane som fann stad i Stockholm den 8. og 9. november 1520.^[1] Hendingane blei sette i gang like etter kroninga av Kristian II, som etter blodbadet blei kjend som «Kristian Tyrann» i Sverige.^[2] Gjestene ved kroningsfesten blei tilkalla til eit møte på slottet. Erkebiskop Gustav Trolle sitt krav om økonomisk kompensasjon for blant anna rivinga av Almarestäkets borg førte til eit spørsmal om den tidlegare riksforstandaren Sten Sture den yngre og tilhengjarane hans hadde gjort seg skuldige i kjetteri. Med bakgrunn i kyrkjerett blei nær 100 personar^[3] avretta dei følgjande dagane. Blant dei avretta fanst mange frå aristokratiet som hadde støtta Sturepartiet i åra før.

Stockholms blodbad skildra i Blodbadstavlan.