Store Molvik

Store Molvik^[1] er ei fråflytta bygd i Berlevåg kommune i Finnmark. Ho ligg ved Molvikbukta på austsida av Tanafjorden i eit dalsøkk, rundt 20 kilometer sørvest for Berlevåg sentrum. Busetnaden, som no vert brukt til fritidsbustader, ligg på ein stor strandvoll mellom Molvikvatnet og sjøen. Lengre opp i dalen ligg eit hyttefelt.

Store Molvik

Ein kommunal grusveg frå Berlevåg er open i sommarhalvåret, og om vinteren er det ei godkjend snøscooterløype langs vegen.^[2]

I området rundt finst det ei rekkje gamle strandlinjer som følgje av landhevinga etter siste istid.