Sulmona

Sulmona er ein by og ein kommune i Provinsen L'Aquila i regionen Abruzzo i Italia. Kommunen har knapt 25 000 ibuarar og eit areal på 70,3 km². Byen ligg i ein breid dal der elva Gizio renn i hop med fleire mindre elvar. I før-romersk tid var byen ein av dei viktigaste i landområdet til folkegruppa pelignerane. I romersk tid vart byen omtala som Sulmo og er sidan den gong kjend som fødestaden for diktaren Ovid. Til hans heider er reist ein statue på plassen Piazza XX Settembre som ligg på hovudgata Corso Ovido, oppkalla etter nettopp Ovid.

Sulmona
by
Land	Italia
Areal	57,93 km²
Folketal	22 175 (1. januar 2023)[1]
Sulmona 42.048025°N 13.926198°E / 42.048025; 13.926198
Wikimedia Commons: Sulmona

Sulmona

I dag er Sulmona kjend som hovudstaden for produksjonen av konfetti i Italia.

Klima

Sulmona har eit typisk innlandsklima med varme somrar og kalde vintrar, med stor skilnad på dag- og nattemperaturar. Klimaet er turt med omkring 600 mm årleg nedbør.