Surprise av Paul Simon

Surprise er det ellevte studioalbumet til Paul Simon og det kom ut i mai 2006.

Surprise Studioalbum av Paul Simon
Utgjeve	9. mai 2006
Innspelt	2005–2006
Sjanger	Rock
Lengd	45:16
Selskap	Warner Bros.
Produsent	Paul Simon
Kritikk
Allmusic lenkje Being There lenkje Cluas lenkje Enjoy the Music lenkje The Guardian lenkje Music Box Magazine lenkje Pitchfork Media (5.1/10) lenkje Rolling Stone lenkje
Paul Simon-kronologi
You're the One 2000	Surprise	The Essential Paul Simon 2007

Etter å ha hatt noko suksess med You're the One i 2000, som han vart nominert til Grammy-prisen for «Årets album» for, la han ut på turne, mellom anna i lag med Art Garfunkel som Simon & Garfunkel i 2003 og 2004. I 2004 starta Simon arbeidet det nye albumet og vart introdusert for produsenten Brian Eno.

Albumet vart spelt inn i London, New York og Nashville. Simon møtte først Brian Eno i London for å diskutere korleis dei skulle blande den elektroniske produksjonen til Eno med den akustiske gitaren til Simon.^[1] Eno vart til slutt ikkje tilskriven som produsent, men for å ha skapt «lydlandskap». Simon var takksam for dette på albumet: «Å arbeide med Brian Eno opnar døra til ei ny verd med lydmessige mogelegheiter; samt at han er ein flott fyr å ha med seg i studio, eller i livet for den saks skuld. Eg hadde det verkeleg kjekt.»^[2]

Surprise fekk positiv kritikk hos dei fleste kritikarane. Det fekk 78/100 på Metacritic, basert på 23 profesjonelle meldingar. Simon la ut på turne etter albumet kom ut for å gjere reklame for det. Albumet selde ganske godt og nådde 14. plass på den amerikanske albumlista, medan det i Storbritannia gjekk til fjerdeplass og i Noreg nådde det 20. plass.

Innhald

Alle spor skrivne av Paul Simon, bortsett frå der andre er nemnde

Nr.	Tittel	Lengd
1.	«How Can You Live in the Northeast»	3:42
2.	«Everything About It Is a Love Song»	3:57
3.	«Outrageous» (Paul Simon, Brian Eno)	3:24
4.	«Sure Don't Feel like Love»	3:57
5.	«Wartime Prayers»	4:49
6.	«Beautiful»	3:07
7.	«I Don't Believe»	4:09
8.	«Another Galaxy» (Simon, Eno)	5:22
9.	«Once Upon a Time There Was an Ocean» (Simon, Eno)	3:55
10.	«That's Me»	4:43
11.	«Father and Daughter»	4:11

Medverkande

• Paul Simon – Vokal, gitar
• Adrian Simon – Vokal
• Jessy Dixon Singers – Vokal
• Vincent Nguini – Akustisk gitar
• Bill Frisell – Elektrisk gitar
• Herbie Hancock – Piano
• Gil Goldstein – harmonium, keyboard
• Alex Al – Bass
• Abraham Laboriel – Bass
• Pino Palladino – Bass
• Leo Abrahams – Bandlaus bass
• Robin DiMaggio – Trommer
• Steve Gadd – Trommer
• Jamey Haddad – Perkusjon
• Brian Eno – Elektronikk, lydlandskap