Tage Pettersen

Tage Pettersen (fødd 25. juli 1972 i Moss) er ein norsk politikar (H). Han var ordførar i Moss kommune frå 2011 til 2017. Han har vore leiar i Østfold Høyre sidan 2008, 1. vararepresentant til Stortinget frå Østfold sidan 2009^[2], og gruppeleiar for Høgre i Moss bystyre frå 2003. Frå 2017 er han stortingsrepresentant for Østfold.

Tage Pettersen
Tage Pettersen Foto: Audun Aas/Soldatnytt
Fødd	25. juli 1972 (53 år) Moss kommune
Statsborgar av	Noreg
Parti	Høgre
Yrke	politikar, offiser, kokk
Verv	Ordførar i Moss kommune 2011–2017
Føregangar	Paul-Erik Krogsvold
Etterfylgjar	Hanne Tollerud[1]
Alle verv	ordførar i Moss (2011–2017) vararepresentant til Stortinget (1993–1997) vararepresentant til Stortinget (2005–2009) vararepresentant til Stortinget (2009–2013) vararepresentant til Stortinget (2013–2017) stortingsrepresentant (2017–2021) stortingsrepresentant (2021–2025) stortingsrepresentant (2025–)

Pettersen er utdanna kokk og har studerte forvalting og administrasjon ved Befalsskolen for Marinen.

Han var intendant (økonomisjef) på KV «Nordkapp» 1998–1999, og arbeidde ved Befalsskolen for Marinen 1999–2001. 2001-2003 var han avdelingssjef for fag- og ressursavdelinga i Akershus kommandantskap Regional støttefunksjon/Oslo. Han har vore underdirektør og sjef for Vernepliktsrådet sidan 1. juni 2003.

Pettersen var formann i Moss Unge Høyre 1989–1990 og formann i Østfold Unge Høyre 1990–1993. Han var medlem av Moss formannskap 1990–1993 og nestleiar i Elevorganisasjonen 1994–1995. Ved kommunestyrevalet i 2007 var Pettersen ordførarkandidat for Moss Høyre, men tapte mot den sitjande ordføraren Paul-Erik Krogsvold frå (Ap).