Tete Lidbom

Tete Andreas Lidbom (fødd 9. april 1986 i Trondheim^[1]) er ein norsk radioprogramleiar.^[2] Lidbom er programleiar i fotballpodkasten Heia Fotball saman med Sven Bisgaard Sundet.^[3] Han var òg programleiar i underhaldingsprogrammet Norske tilstander på NRK P3. Tidlegare har han jobba som musikkprodusent for Urørt i P3 og musikkprogrammet Tete.^[2] Frå 2009 til 2011 spelte Lidbom trommer i punkbandet Disko Violente.

Tete Lidbom
Statsborgarskap	Noreg
Fødd	9. april 1986 (39 år) Trondheim
Yrke	radioprogramleiar, podkastvert
Tete Lidbom på Commons

Hausten 2019 og 2020 var Lidbom programleiar for P3-aksjonen, saman med høvesvis Ronny Brede Aase, Markus Neby, Adelina Ibishi, Martin Lepperød og Ingrid Simensen.^[4][5]

Lidbom gjekk på Strinda videregående skole og har studert ved Norges teknisk-naturvitenskapelige universitet.^[6]