Thabo Mbeki

Thabo Mvuyelwa Mbeki (fødd 18. juni 1942) er ein sørafrikansk politikar for African National Congress (ANC).^[1] Han var den andre presidenten i Sør-Afrika frå 14. juni 1999 til 13. juni 2008.^[2]

Thabo Mbeki
Thabo Mbeki Foto: Antonio Milena/ABr
Fødd	18. juni 1942 (82 år) Mbewuleni
Statsborgar av	Sør-Afrika
Parti	ANC
Yrke	politikar, samfunnsøkonom
Utdanna ved	University of Sussex University of Sussex Hult International Business School Sør-Afrika-universitetet Randse Afrikaanse Universiteit Glasgow Caledonian University Universitetet i Stellenbosch University of London
Mor	Epainette Mbeki
Far	Govan Mbeki
Ektefelle	Zanele Dlamini Mbeki
Verv	President i Sør-Afrika 1999–2008
Føregangar	Nelson Mandela
Etterfylgjar	Kgalema Motlanthe
Alle verv	Sør-Afrikas visepresident (1994–1999) medlem av Sør-Afrikas nasjonalforsamling Den afrikanske unions formann (2002–2003) Sør-Afrikas president (1999–2008) Commonwealth Chairperson-in-Office (1999–2002) generalsekretær i Den alliansefrie bevegelse (1999–2003)

Liv og virke

Mbeki vart fødd i Idutywa i Transkei. Han var i politisk eksil frå 60-talet til ANC vart legalisert i 1990 og studerte økonomi ved University of Sussex.^[3] Han var visepresident i landet mellom 1994 og 1999 og vart vald til president i 1999 og deretter gjenvald i 2004.

Trass i at han tidlegare var medlem av det sørafrikanske kommunistpartiet har han i stadig større grad vorte assosiert med nyliberalistisk økonomisk politikk, og vert rekna som arkitekten bak det sørafrikanske økonomiske reformprogrammet GEAR som har vore offisiell regjeringspolitikk sidan 1996.

Internasjonalt vart han òg kjend for det kontroversielle synet sitt på AIDS, han støttar seg til ei mindre gruppe vitskapsmenn som meiner at HIV-viruset ikkje er årsak til AIDS. I staden har han ved fleire høve ymta om at dei helsemessige konsekvensane ekstrem fattigdom fører med seg, som underernæring, kan vere ei av årsakene til sjukdomen.