The Raven av The Alan Parsons Project

«The Raven» er ein song frå 1975 av The Alan Parsons Project frå albumet deira Tales of Mystery and Imagination. Songen var basert på Edgar Allan Poe sitt dikt med same namn og er skriven av Alan Parsons og Eric Woolfson. Han vart opphavleg spelt inn i april 1975 i Mama Jo's Studio i North Hollywood i Los Angeles og Abbey Road Studios i London.^[1]

The Raven Singel av The Alan Parsons Project frå albumet Tales of Mystery and Imagination
B-side	The Fall of the House of Usher (Prelude)
Utgjeve	November 1975
Innspelt	2. juli 1975
Sjanger	Progressiv rock, funkrock
Lengd	3:43
Selskap	20th Century
Låtskrivar(ar)	Alan Parsons, Eric Woolfson
Produsent	Alan Parsons
The Alan Parsons Project-kronologi
	The Raven	«(The System Of) Dr. Tarr and Professor Fether» (1976)

Det var ein av dei første rockesongane som brukte vocoder, utvikla av EMS for å forvrengje vokalen. Det er òg ein av få songar der Alan Parsons syng vokal, då han syng første verset gjennom vocoderen. Skodespelaren Leonard Whiting har solovokal på resten av songen, medan Eric Woolfson og eit kor syng korvokal.

Det var den første singelen deira og han nådde 80. plassen på den amerikanske Billboard Hot 100-lista i oktober 1976.

Nyutgjevinga av songen i 1987 inneheld ein gitarsolo nær slutten, før «Quoth the Raven»/«Nevermore, nevermore, nevermore, never!»-refrenget.

Medverkande

Original (1976)

• Burleigh Drummond, Stuart Tosh — trommer
• Bob Howes and the English Chorale — korvokal
• Christopher North — klaverinstrument
• David Pack — gitar
• Alan Parsons — solovokal (gjennom EMI vocoder)
• Andrew Powell — dirigent og orkesterarrangør
• Joe Puerta — bassgitar
• Leonard Whiting — solovokal
• Eric Woolfson — korvokal, klaverinstrument

Nyutgjeving (1987)

• Ian Bairnson — gitarsolo

Andre versjonar

I 2004 song korgruppa Gregorian ein versjon av songen for albumet deira The Dark Side.

Den amerikanske rapparen Danny Brown sampla songen for «Clean Up» i 2013 på albumet hans Old.