The Real Me

«The Real Me» er ein song skriven av Pete Townshend for The Who. Songen er gjeven ut på den andre rockeoperaen deira, Quadrophenia i 1973. Songen er den andre songen på albumet og omhandlar guten Jimmy, ein ung engelsk Mod med fire forskjellige personlegheiter. Songen skildrar korleis han prøver å takle dei forskjellige personlegheitane og finne «den verkelege seg» («the real me»).

«The Real Me» Singel av The Who frå albumet Quadrophenia
B-side	«Doctor Jimmy»
Språk	engelsk
Utgjeve	12. januar 1974
Innspelt	Mai 1972
Sjanger	Hardrock
Lengd	3:20 (albumutgåve) 3:30 (singelutgåve)
Selskap	Track Records/MCA
Komponist	Pete Townshend
Tekstforfattar	Pete Townshend
Låtskrivar(ar)	Pete Townshend
Produsent	The Who
The Who-kronologi
«Love, Reign o'er Me» (1973)	«The Real Me»	«Postcard» (1974)

John Entwistle spelar imponerande bass på songen. I følgje eit intervju frå 1996 vart bassen spelt inn på første forsøk. Entwistle hevdar at han «berre tulla litt» på bassen under den første innspelinga, men dei andre i bandet likte det så godt at dei nytta denne innspelinga i den endelege utgåva av songen.^[1]

«The Real Me» var òg i filmutgåva av Quadrophenia frå 1979, og i filmmusikkalbumet som følgde. Denne utgåva hadde eit nytt basspor og ein ny slutt.^[2]

Townshend har alltid kalla songen «Can You See the Real Me», i staden for den kortare tittelen.

Bandet spelte ikkje songen på fleire år etter at John Entwistle døydde i 2002, men starta å spele han igjen i 2007 med Pino Palladino på bass, dog med ein mindre utprega bassgang enn i originalen.

Medverkande

• Roger Daltrey – solovokal
• Pete Townshend – gitar
• John Entwistle – bass, blåseinstrument
• Keith Moon – trommer

Andre versjonar

Songen er òg spelt av W.A.S.P. i 1989, som laga ein eigen musikkvideo til han, samt Pearl Jam under ein konserthyllest til The Who på VH1 i 2008.