Thiago Motta

Thiago Motta (fødd 28. august 1982) er ein brasiliansk-italiensk fotballspelar som i 2014 speler for den franske klubben Paris Saint-Germain FC. Motta kom til Europa frå Brasil i 1999 og tok til å spela for B-laget til FC Barcelona. Seinare har han spelt for både spanske, italienske og franske lag. Han vart seriemeister i Spania med Barcelona i 2005 og 2006, i Italia med Inter i 2010 og i Frankrike med PSG i 2013 og 2014. I 2006 var han med på å vinna den europeiske Meisterligaen med Barcelona, og i 2010 vann han den same turneringa med Inter. Han vann òg VM for klubblag med Inter i 2010.

Thiago Motta

Personleg informasjon
Fødd	28. august 1982 (42 år)
Fødestad	São Bernardo do Campo
Høgd	187 cm
Posisjon	Midtbanespelar
Klubbinformasjon
Noverande lag	Paris Saint-Germain
Nummer	8
Ungdomsklubbar
1997-1999	Clube Atlético Juventus
Seniorkarriere*
År	Lag	Kampar (Mål)
1999-2001 2001-2007 2007-2008 2008-2009 2009-2012 2012-	FC Barcelona B FC Barcelona Atletico Madrid CFC Genoa Inter Milan  Paris Saint-Germain	84 (11) 96 (6) 6 (0) 27 (6) 55 (11) 58 (6)
Landslag
1999 2003 2009-	Brasil U17 Brasil Italia	3 (1) 2 (0) 20 (1)
* Seniorklubbkampar og mål berre telt for nasjonal liga og oppdatert 18. mai 2014 ‡ Landslagsmål oppdatert 31. mai 2014

Thiago Motta er av italiensk familie og som italiensk statsborgar kunne han difor bli med på det italienske herrelandslaget i 2009. Han var med på den italienske troppen i EM i fotball 2012. Under finalen mot Spania den 1. juli låg Italia under 0-2 etter fyrste omgang. Trenar Prandelli hadde allereie gjort to byte og ville no gjera sitt tredje ved å setja inn Motta som innbytar for Riccardo Montolivo. Men etter få minutt på banen skadde Motta beinet og kunne ikkje spela meir. Motta vart teken av banen og Italia måtte spela resten av finalen med 10 mann. Resultatet vart til slutt 0-4.

Kjelder

• Denne artikkelen bygger på «Thiago Motta» frå Wikipedia på engelsk, den 13. juli 2012.