Things Have Changed

«Things Have Changed» er ein song frå filmen Wonder Boys, skriven og framført av Bob Dylan^[1] og gjeven ut på singel 1. mai 2000. Songen vann både Oscarprisen for beste originale song^[2] og Golden Globe for beste orignale song.^[3]

Things Have Changed Singel av Bob Dylan frå albumet Wonder Boys (Music from the Motion Picture)
B-side	«Blind Willie McTell» (konsertopptak)
Utgjeve	1. mai 2000
Innspelt	Mai eller juli 1999
Sjanger	Rock, countryrock, folkrock, bluesrock
Lengd	3:37 (radio) 5:09 (video) 5:25 (album)
Selskap	Columbia Records
Låtskrivar(ar)	Bob Dylan[1]
Produsent	Bob Dylan
Bob Dylan-kronologi
«Love Sick» (1998)	Things Have Changed	«Someday Baby» (2006)

Innspeling

Dylan-kritikarane er usamde om når songen vart spelt inn. I følgje Olof Björner vart songen spelt inn i mai 1999 i Sterling Sound i New York.^[4] Clinton Heylin meiner at songen vart spelt inn i Sony Studios i New York, truleg 25. og 26. juli 1999. På desse datoane var Dylan på turné i USA med Paul Simon.^[5]

Kjeldene er samde om at musikarane på innspelinga var turnébandet til Dylan på den tida: Charlie Sexton og Larry Campbell på gitar, Tony Garnier på bass og David Kemper på trommer.^[4]

Kemper har sagt «Me var på turné og hadde ein dag fri i New York. Bob sa 'I morgon dreg me i studio. Eg har ein song eg vil spele inn'. Me gjekk inn og spelte inn 'Things Have Changed' med berre ein lydteknikar. Me gjorde to forsøk. Den første var ein New Orleans-sak. Den andre var opptaket som vart nytta. Så i løpet av fem timar hadde me lært oss songen, spelt han inn og miksa han.»^[5]

Mottaking

Singelen gjekk inn på Billboard Hot 100. Singelen nådde 58. plassen på UK Singles Chart i oktober 2000.^[1]

Innhald

7"-singel (COL 669379 7) — avgrensa utgåve^[6]

A «Things Have Changed» – 5:08

B «Blind Willie McTell» (konsertopptak) – 7:01

CD promosingel (COL 669333 1) — Europa^[7]

1. «Things Have Changed» (Radio Edit) – 3:37
2. «To Make You Feel My Love» (Live) – 4:10

CD-singel (COL 669333 2)^[7]

1. «Things Have Changed» (Radio Edit) – 3:37
2. «To Make You Feel My Love» (Live) – 4:10
3. «Hurricane» – 8:33
4. «Song to Woody» (Live) – 4:26

Things Have Changed/Dylan Alive Vol. 3 (SRCS 2306) — japansk EP-utgåve^[7]

1. «Things Have Changed» – 5:09
2. «Highlands» (Live) – 11:19
3. «Blowin' in the Wind» (Live) – 7:10
4. «To Make You Feel My Love» (Live) – 4:11