Thomasine Lie

Thomasine Henriette Lie (26. desember 1833–6. oktober 1907)^[1] var ein medstiftar av Norsk Kvinnesaksforening. Ho var gift med forfattaren Jonas Lie, og påverka forfattarskapen hans gjennom heile livet.

Thomasine Lie
Statsborgarskap	Noreg
Fødd	26. desember 1833 Grue kommune
Død	6. oktober 1907 (73 år) Stavern
Medlem av	Norsk Kvinnesaksforening
Far	Michael Strøm Lie
Ektefelle	Jonas Lie
Thomasine Lie på Commons

Jonas og Thomasine Lie, måla av Christian Meyer Ross i 1892.

Thomasine Lie var dotter av prokurator Michael Strøm Lie og Ingeborg Birgitte Møinichen, og grandtante til målaren Jonas Lie (1880–1940). Ho vaks opp i Dahlmanngården i Øvrebyen på Kongsvinger. Ho var den fyrste pianolæraren til systera si Erika Nissen. Ho gifta seg med fetteren sin Jonas Lie i 1860.

Thomasine Lie var medstiftar av Norsk Kvinnesaksforening i 1884.^[2]

Liv

Thomasine Lie fødde fem barn på Kongsvinger. Tre av dei, Asta, Michael og Mons, vaks opp. I 1868 flytta heile familien til Kristiania. Thomasine og Jonas Lie fekk to barn til, Erik Lie i 1869 og Elisabeth Lie i 1876. I periodar budde heile familien utanfor Noreg. I 1871 fekk Jonas Lie statsstøtte, og heile familien flytta til Roma. I 1878 flytta familien vidare til Tyskland. Der busette dei seg fyrst i Stuttgart, deretter i Dresden og til slutt i Berchtesgaden i Bayern. I 1882 flytta heile familien vidare til Paris, delvis fordi sonen, Mons ønskte å utdanne seg til fiolinist.^[3]

Jonas og Thomasine Lie i 1871