Thumri

Thumri (hindi ठुमरी, ṭhumrī) er ein vokal musikksjanger eller stil innan nordindisk musikk.^[1][2] Han er særleg knytt til kjærleiksdikt og folkesong frå Uttar Pradesh, men det finst regionale variasjonar.^[3]

Tekstane i thumri er knytte til bhaktirørsla, som ofte uttrykker religiøse kjensler gjennom romantisk kjærleik. Dei tek ofte for seg tilhøvet mellom Radha og Krishna. Songaren held seg nøye til orda i teksten, men kan gå over frå den opphavlege ragaen til ein annan som han meiner passar til kjenslene i teksten, før han vender tilbake til den opphavlege ragaen.^[4]