Tjuekrone

Tjuekrone eller tjuekroning vart frå 1874 til 1910 utmynta i gull som norsk hovudmynt. Frå 1994 har tikronen vore utmynta som ordinær skiljemynt.

Tjuekrone frå 1874

Framsida til ei tjuekrone frå 1994

Baksida

Gulltjuekrona

Etter Lov om Pengevæsenet, vedteken 17. april 1875, skulle 124 tjuekronestykke innehalde 1 kilogram fint gull. Mynten skulle vere framstilt av myntgull med 90 vektdelar gull og 10 vektdelar kopar. Diameteren skulle vere 23 mm.

Den første utgåva hadde valøren oppgitt både i 5 spd og 20 kroner. Utgåva frå 1910 hadde portrettet av Håkon VII på adversen og Heilag-Olav på reversen.

Skiljemynt

Tjuekrona kom som skiljemynt i 1994. Mynten har eit portrett av kongen på adversen og stamnen på eit vikingskip og valøren 20 KR på reversen. Under skipet står pregeåret med merket til Den Kongelige Mynt (no Det Norske Myntverket), krosslagd hammar og bergjarn. Fram til og med 2006 hadde reversen òg initialane til myntdirektøren.

Minnemynt

Ved særskilde høve er tjuekrona gitt ut som minnemynt. Slik mynt kan vere ordinær skiljemynt.

År	Tal prega	Jubileum
1999	5 121 983	Akershus festning 700 år
1999	1 048 700	Mot ukjent land (minne om vikingferdene i vesterveg)
2000	1 032 307	År 2000
2002	1 048 700	Niels Henrik Abel 1802 1829
2004	500 000	Jernbanen 150 år
2006	832 500	Henrik Ibsen

Myntane

Norske tjuekroner

Myntherre	Metall	Vekt	Gull/sølv	Utmynta år	Kunstnar
Oskar II	gull	8,96 g	8,06 g	1874-75, 1876-78, 1883, 1886, 1902
Håkon VII	sølv	8,96 g	8,06 g	1910
Olav V	nysølv	9,9 g		1994-	Nils Aas