Tonja Buford-Bailey

Tonja Yvette Buford-Bailey (fødd 13. desember 1970) er ein USA-amerikansk tidlegare friidrettsutøvar frå Dayton i Ohio som i hovudsak tevla i 400 meter hekk. Ho vann i 1995 VM-sølv og 1996 OL-bronse i øvinga.

Tonja Buford-Bailey
Statsborgarskap	USA
Fødd	13. desember 1970 (54 år) Dayton
Idrett	friidrett
Tok del i	Sommar-OL 1996, Sommar-OL 1992, Sommar-OL 2000

Aktiv

Buford gjorde sitt livs løp i VM-finalen 1995 i Göteborg. Med tida 52,62 vann ho sølvmedaljen på langhekken, ein hundredels sekund attom landskvinna Kim Batten som sette verdsrekord i øvinga, Begge løparane kom under den gamle verdsrekorden til britiske Sally Gunnell på 52,74 sekund.

Året etter presterte ho som Buford-Bailey sitt nest beste langhekkløp og vann på tida 53,22 bronsemedaljen under dei olympiske sommarleikane 1996. Deon Hemmings frå Jamaica vart olympisk meister og Kim Batten tok sølv.

Buford-Bailey avslutta med å verte nummer fire i 400 m hekk i VM 2001. Ho var då 0,05 sekund for seint ute til å slå bronsemedaljør Daimí Pernía frå Cuba.

Medaljar og plasseringar i internasjonale meisterskap

• OL 1992 i Barcelona: Utslått i semifinalane (55,08=nr 10)
• VM 1993 i Stuttgart: Nr 5 – 54,55
• VM 1995 i Göteborg: Sølvmedalje – 52,62, bakom Kim Batten (52,61)
• OL 1996 i Atlanta: Bronsemedalje – 53,22
• VM 1997 i Aten: Nr 6 – 54,77
• OL 2000 i Sydney: Utslått i forsøka (57,02=nr 18)
• VM 2001 i Edmonton: Nr 4 – 54,55

Kjelder

• Denne artikkelen bygger på «Tonja Buford-Bailey» frå Wikipedia på engelsk, den 12. juli 2020.

• «Tonja Buford-Bailey» (på engelsk). Olympedia. Henta 11. mars 2023.