Tony Levin

Anthony Frederick "Tony" Levin (fødd 6. juni 1946) er ein amerikansk rockemusikar, mest kjend som bassist og utøvar av Chapman Stick.

Tony Levin
Tony Levin på scenen med Liquid Tension Experiment, Nearfest 2008.
Fødd	6. juni 1946 i Boston i USA
Fødestad	Boston
Fødenamn	Anthony Frederick Levin
Opphav	USA
Aktiv	1970 til i dag
Sjanger	Progressiv rock, progressiv metal, eksperimentell rock, pop, jazz
Instrument	Bass, Chapman Stick, kontrabass, synthesizer, vokal
Kjende instrument	Chapman Stick Music Man Stingray
Tilknytte artistar	King Crimson, Liquid Tension Experiment, Peter Gabriel, Bruford Levin Upper Extremities, Head, Bozzio Levin Stevens, Anderson Bruford Wakeman Howe
Plateselskap	Papa Bear Records
Verka som	Musikar, låtskrivar, vokalist

Levin er mest kjend^[1] for arbeidet sitt med progrockpionerane King Crimson og Peter Gabriel. Han har òg vore medlem av Liquid Tension Experiment; dei King Crimson-tilknytte banda Bruford Levin Upper Extremities, ProjeKct One og ProjeKct Four; og leiar i dag sitt eige Tony Levin Band.

Han har vore ein særs aktiv studiomusikar sidan 1970-åra oghar spelt på om lag fem hundre album, mellom anna av Cher, Alice Cooper, John Lennon, Sarah McLachlan, Stevie Nicks, Pink Floyd, Lou Reed, Tom Waits, Buddy Rich, The Roches, Todd Rundgren, Seal, Yes og Warren Zevon. I tillegg har han turnert med Paul Simon, Gary Burton, James Taylor, Herbie Mann, Judy Collins, Carly Simon, Peter Frampton, Anderson Bruford Wakeman Howe, Peter Gabriel, Tim Finn, Richie Sambora og Claudio Baglioni.

Levin var med å gjere Chapman Stick populær og NS kontrabass. Han skapte òg «funk fingers», eit apparat for å etterlikne lyden ein får når ein slår på strengar med trommestikker.

Levin var ein av dei første bloggarane,^[2], og starta å eksperimentere med dette i 1996, eitt år før uttrykket vart laga.

Utvald diskografi

Levin har spelt på om lag fem hundre album som studiomusikar eller gjesteartist.

• Discipline (1981) — King Crimson
• Beat (1982) — King Crimson
• Three of a Perfect Pair (1984) — King Crimson
• Cloud About Mercury (1986) — David Torn
• Spin 1ne 2wo (1993) — Spin 1ne 2wo
• THRAK (1995) — King Crimson
• World Diary (1995) — solo
• Black Light Syndrome (1997) — Bozzio Levin Stevens
• From the Caves of the Iron Mountain (1997) — Gorn, Levin, Marotta
• Liquid Tension Experiment (1998) — Liquid Tension Experiment
• Bruford Levin Upper Extremities (1998) — Bruford Levin Upper Extremities
• Liquid Tension Experiment 2 (1999) — Liquid Tension Experiment
• Waters of Eden (2000) — solo
• Situation Dangerous (2000) — Bozzio Levin Stevens
• B.L.U.E. Nights (2000) — Bruford Levin Upper Extremities
• Pieces of the Sun (2002) — solo
• Double Espresso (2002) — solo
• Resonator (2006) — solo
• Stick Man (2007) — solo
• Spontaneous Combustion (2007) - Liquid Trio Experiment
• When the Keyboard Breaks: Live in Chicago (2009) - Liquid Trio Experiment 2
• Soup (2010) - Stick Men