Tony McPhee

Anthony Charles McPhee (23. mars 1944–6. juni 2023) var ein engelsk gitarist og songar. Han var grunnleggjar av det engelske blues- og rockebandet The Groundhogs.

Tony McPhee
McPhee med The Groundhogs i London i september 1991
Fødd	23. mars 1944(1944-03-23)
Fødestad	Humberston i Lincolnshire i England
Død	6. juni 2023 (79 år)
Fødenamn	Anthony Charles McPhee
Alias	«T.S.» McPhee
Opphav	Storbritannia
Sjanger	Blues[1] avantgarde[1] psykedelia[1] bluesrock[2] R&B[2]
Instrument	Gitar, vokal
Tilknytte artistar	Groundhogs
Verka som	Musikar

Karriere

McPhee fekk namnet «T.S.» - som står for «Tough Shit» - då han gav ut ein duettsingel med Champion Jack Dupree - med tittelen «Get Your Head Happy!» - i 1966. Produsent Mike Vernon foreslo å leggja til namnet til McPhee for å få det til å sjå meir ut som eit offisielt bluesnamn.^[3]

The Groundhogs varma opp for Dupree og John Lee Hooker på konsertar i Storbritannia i midten av 1960-åra.^[4] Bandet utvikla seg til ein bluesrocktrio som produserte tre britiske Top 10-album i Storbritannia tidleg på 1970-talet. Sjølv om dei har halde fram med å spela i ulike besetningar fram til i dag, trekte McPhee seg offisielt frå bandet i 2015.^[5].

I 1973 gav McPhee ut eit soloalbum med tittelen The Two Sides of Tony (T.S.) McPhee. Side A på denne plata er bluesrock, og side B er ein enkelt psykedelisk kunstrock-komposisjon i fire satsar med Arp 2600-synthesizer, elektrisk piano og trommesynthesizeren The Rhythm Ace. Den har fått tittelen The Hunt, og utforskar den sterke haldninga til McPhee til jakt på rev og hjort.^[6][7] McPhee gav òg ut mange andre solo akustisk bluesplater, og dessutan duettar med Jo Ann Kelly.^[7]

Forutan Groundhogs spelte McPhee med Herbal Mixture, John Dümmer Band, Hapshash and the Coloured Coat, Tony McPhee's Terraplane, Tony McPhee's Turbo, Tony McPhee's Band,^[8] og Current 93.^[9]

Biografien til McPhee, skriven av Paul Freestone, vart gitt ut i 2012.^[7]

Helseproblem og død

I 2009 vart McPhee ramma av hjerneslag, noko som påverka talen og evna til å syngja.^[10][11]

McPhee døydde 6. juni 2023 av komplikasjonar etter eit fall året før. Han vart 79 år gammal.^[12]

Solodiskografi

• 1966 Ain't Gonna Cry No More – Someone to Love Me
• 1966 You Don't Love Me When You Gotta Good Friend
• 1968 Me and the Devil – ymse artistar
• 1969 I Asked for Water – ymse artistar
• 1971 Same Thing on Their Minds
• 1973 Two Sides of Tony McPhee
• 1991 The Blues and the Beast
• 1993 Foolish Pride
• 1996 Slide, T.S., Slide
• 1996 Herbal Mixture-Groundhogs
• 1997 Bleachin' the Blues
• 2000 Live in Poland at Blues Express
• 2004 Blues at Ten