Tooji

Touraj Keshtkar, kjend som Tooji Keshtkar eller berre Tooji, (fødd 26. mai 1987 i Shiraz) er ein norsk songar, modell og programleiar. Då han var eitt år kom han til Noreg frå Iran saman med mora Lily.

Tooji
Fødd	26. mai 1987 (37 år)
Fødestad	Shiraz
Fødenamn	Touraj Keshtkar
Opphav	Iran, Noreg
Aktiv	2008–
Sjanger	pop
Instrument	vokal
Verka som	programleiar, songar, sosialarbeidar, modell
Mor	Lily Bandehy

Han starta å jobbe som modell då han var 16 år og etter å ha jobba som modell starta han som programleiar for Super Saturday og Toojis Top 10 på MTV Norge. I 2008 starta han med musikk og gav mellom anna ut singelen «Swan Song».

Melodi Grand Prix og Eurovision Song Contest

Han enda på andreplass i den tredje delfinalen i Melodi Grand Prix 2012 med songen «Stay» og gjekk vidare til finalen. I finalen gjekk han vidare til gullfinalen og vann Melodi Grand Prix 2012. Han fekk dimed representere Noreg i Eurovision Song Contest 2012.

Tooji deltok i den andre semifinalen i Baku den 24. mai 2012 med «Stay». Songen gjekk vidare til finalen, men enda på ein absolutt sisteplass med 7 poeng.

Saman med Margrethe Røed var han programleiar for Melodi Grand Prix Junior i Oslo Spektrum 1. september 2012.^[1] Tooji vart vald ut som programleiar etter at Vegard Olsen måtte trekkje seg av di han arrangerte ein fest der aktivistgruppa Fuck for Forest deltok.^[1][2]