Toropets

Toropets (russisk Торо́пец) er ein by i Tver oblast i Russland med om lag 12 000 innbyggjarar. Han ligg i Valdajhøgdene, ved elva Toropa, rundt 270 km vest for Tver.

Toropets
Торопец
by
Våpenskjold
Land	Russland
Føderasjonssubjekt	Tver oblast
Areal	22 km²
Folketal	11 441 (2021)
Grunnlagd	1074
•  Bystatus	1777
Retningsnummer	48268
Toropets 56.5°N 31.633333333333°E / 56.5; 31.633333333333
Wikimedia Commons: Toropets

Historie

Byen vart første gong nemnt i skriftlege kjelder alt i 1074. Han høyrde då til fyrstane i Smolensk. I 1167 var byen stor nok til å ha egne fyrstar. Den mest kjende av dei var Mstislav den modige. Sonesonen hans, Aleksander Nevskij, gifta seg med Aleksandra av Polotsk i Toropets i 1239.

På midten av 1400-talet hamna byen under Storhertugdømet Litauen, som måtte avstå han til Ivan III etter Slaget ved Vedrosja i 1503. Tidleg på 1600-talet vart Toropets plyndra av den polske armeen. I 1777 vart byen ein del av Pskov gubernija.

I 1935 vart byen lagt inn under Kalinin oblast (dagens Tver oblast). Byen var okkupert av Wehrmacht frå 29. august 1941 til 21. januar 1942, då han vart frigjeve under Toropets-Kholm operasjonen.