Torrevieja

Torrevieja (spansk) eller Torrevella (valenciansk) er ein kystby og kommune på Costa Blanca i provinsen Alicante søraust i Spania.

Torrevieja
by
Flagg Våpenskjold
Land	Spania
Region	Valencia
Provins	Alicante
Høgd	7 m
Areal	71,44 km²
Folketal	94 803 (2024)
Postnummer	03181–03188
Retningsnummer	965 og 966
Torrevieja 37.977777777778°N 0.68333333333333°W / 37.977777777778; -0.68333333333333
Wikimedia Commons: Torrevieja

Torrevieja ligg om lag 50 km sør for byen Alicante og har kring 100 000 innbyggjarar. Mange utlendingar bur i byen, men er ikkje registrert her. Torrivieja var opphavleg ein saltgruve- og fiskelandsby som låg mellom havet og to store saltsjøar (Las Salinas).

Historie

Ei brygge ved Torrevieja.

Fram til 1802 fanst berre Torrevieja som eit gammalt vakttårn, som gav byen namnet sitt (torre og vieja tyder 'gammalt tårn' på spansk) og nokre arbeidshytter. I 1803 autoriserte Karl IV flyttinga av saltgruver frå La Mata til byen og fekk bygd fleire bustadhus her. I 1829 vart byen fullstendig øydelagd av eit jordskjelv, men vart raskt bygd opp at og gruvene opna på ny. I denne perioden var det òg marknad for lin, hamp og bomull.

På 1800-talet vart salt hovudsakleg frakta frå byen med svenske og nederlandske skip. På denne tida vart det berre avgrensa saltbehov i andre regionar av Spania. På byrjinga av 1900-talet vart derimot ein fjerdedel av saltet frå Torrevieja seld i Spania, medan resten vart eksportert til utlandet. I dag er saltindustrien framleis stor i Torrevieja.