Toscakake

Toscakake er ei skandinavisk kake som består av sukkerbrød med eit lokk av rista mandlar.^[1]

Tosca er namnet på ein opera av Puccini som hadde premiere ved hundreårsskiftet 1900.^[2] Operaen har truleg gjeve namnet til toscakaka, som opptrer i svenske kokebøker frå 1930-talet.^[3] Den rådande enkle funkisstilen kan òg ha sett preg på bakverket,^[2] som typisk ikkje er ekstra pynta.

Toscakaka blei omtalt i norske aviser frå 1940-talet av.^[4]

Toscaglasuren kan også brukast på andre bakverk, som mindre toscapinnar,^[5] toscaruter,^[6] toscabollar^[7] eller toscaeple.^[8]