Totland kyrkje

Totland kyrkje, tidlegare Totland kapell, står på Totland ved Bryggja i Stad kommune i Vestland, og er ei langkyrkje bygd i tre i 1912.

Plasseringa til Totland kyrkje

Totland kyrkje
kyrkje
Foto: kirkenorge.no
Land	Noreg
Fylke	Vestland
Kommune	Stad
Kyrkjesamfunn	Den norske kyrkja
Bispedøme	Bjørgvin
Prosti	Nordfjord
Sokn	Vågsøy
Fellesråd	Stad
Type	Langkyrkje
Arkitekt	Lars Sølvberg og Jens Sølvberg[1]
Material	Tre
Innvigd	8. august 1912[1]
Kyrkjegard	Ved kyrkja
Sitjeplassar	250[1]
Totland kyrkje 61.9324°N 5.3881°E / 61.9324; 5.3881
Wikimedia Commons: Totland kirke

Arkitektar for bygget, som har sitjeplassar til 250 personar, var Lars Sølvberg og Jens Sølvberg.^[1] Kyrkja er dekorert innvendig med utskjeringar og rosemåling av Lars Kinsarvik.^[1]

Frå starten til 1953 hadde gudshuset status som kapell i Rugsund sokn. Det året vart so Totland skild ut som eige sokn i Davik prestegjeld. I 1967 vart Totland sokn overført frå Davik til Vågsøy prestegjeld. Totland sokn vart nedlagd att i 2002, for då vart sokna i Vågsøy prestegjeld ihopslegne til eitt sams sokn som heiter Vågsøy sokn.^[1]

Før dei fekk kyrkje på Totland sokna folk på nordsida av Nordfjorden i Davik prestegjeld til Rugsund kyrkje.

Kjelder

• Aaraas, Margrethe Henden; Vengen, Sigurd; Gjerde, Anders. «Totland kyrkje». Kulturhistorisk leksikon. Fylkesarkivet i Vestland. Henta 26. februar 2021.