Toul

Toul er ein festningsby og kommune nordaust i Frankrike. Han er sous-préfecture (underprefektur) i departementet Meurthe-et-Moselle i regionen Grand Est, og har om lag 17 000 innbyggjarar.

Toul
Cathédrale Saint-Étienne de Toul Cathédrale Saint-Étienne de Toul
Byvåpen
Land Region Departement	Frankrike Grand Est Meurthe-et-Moselle
Flatevidd	30,59 km²
Flatevidd  - By	30,59 km²
Innbyggjarar  • By (1999)    - folketettleik	16 945   554/km²
Koordinatar	48°40′N 05°53′E
Høgd	215 m
Tidssone - Ved sommartid	CET (UTC+1) UTC+2 (UTC)
Postnummer	54200
Nettstad: www.mairie-toul.fr

Geografi

Toul ligg mellom Commercy og Nancy, og mellom elva Moselle og Canal de la Marne au Rhin.

Historie

Toul vart kalla Tullum Leucorum av romarane, og var hovudstad for den galliske stamma Leuci.

I 612 slo Kong Teodebert II av Austrasia Kong Teoderik II av Burgund nær Toul. Etter Meerssentraktaten i 870 vart Toul ein del av Austfrankariket, seinare Det tysk-romerske riket seint i mellomalderen. Her vart han ein fri keisarby. Toul vart annektert av Frankrike av Kong Henrik II i 1552. Dette vart godkjend av Det tysk-romerske riket i Freden i Westfalen i 1648. Han vart då ein del av den franske provinsen Trois-Évêchés.

Siste gong Toul nytta festninga si var under omleiringa i 1870 i den fransk-prøyssiske krigen, og om morgonen 23. september opna 64 kanonar eld, og festninga overgav seg om ettermiddagen etter at 2 433 prosjektil hadde vorte avfyrt.

Toul var sete for eit bispedøme frå rundt 410 til 1807.

Bakgrunnsstoff

Commons har multimedium som gjeld: Toul

• Offisiell nettstad