Tragus

Tragus er ein liten framstikkande bruskfold i øyremuslingen som ligg framføre cavum concha, og som peikar bakover mot øyregangen.^[1] Namnet kjem av gresk tragos, som tydar geit, og skildrar likskapen mellom håret på tragus og skjegget til ein bukk, eller geiteragg.^[2] Antitragus ligg i nærleiken og peikar framover og oppover.^[3]

Den ytre overflata av øyremuslingen

Tragus peikar bakover og medverkar dimed til å fange opp lyd bakfrå. Desse lydbølgjene er meir forseinka enn dei som kjem frå framsida, noko som gjer at hjernen klarar å skilje mellom lydar som kjem bakfrå og framifrå.^[4]

Ved positiv fistelprøve som skuldast kolesteatom i labyrinten, kan trykk på tragus føre til vertigo eller augedeviasjon som følgje av rørsle i perilymfvæska.^[5]

Fleire bilete

• 
  Horisontalt tverrsnitt gjennom øvre halvdel av det venstre øyret
• 
  Høgre øyremusling sett frå den ytre oversida av det høgre øyret
• 
  Høgre øyremusling sett frå den ytre oversida av det høgre øyret

Sjå òg

• tragustrykk
• traguspiercing