Tregmaur

Tregmaur (Myrmecina graminicola) er ein maur i tregmaurslekta. Arten rører seg på ein roleg måte og spelar daud om han vert uroa.

Tregmaur
Arbeidar av tregmaur Foto: Arnstein Staverløkk/Norsk institutt for naturforskning
Status
Status i Noreg: Livskraftig[1]
Systematikk
Rike:	Dyr Animalia
Rekkje:	Leddyr Arthropoda
Underrekkje:	Krepsdyr Crustacea
Klasse:	Insekt Insecta
Orden:	Årevenger Hymenoptera
Familie:	Maur Formicidae
Slekt:	Myrmecina
Art:	Tregmaur M. graminicola
Vitskapleg namn
Myrmecina graminicola Latreille, 1802

Tregmaur lever i opne skoglysningar eller lune skogkantar, gjerne med buskar og kratt.

Tregmaur vart fyrst funnen i Noreg i 1983 på Ostøya. Seinare er han vorten vanleg over store område på Austlandet, mogelegvis grunna eit mildare klima.^[2]

Tregmaur liknar på skuggemaur i åtferd og noko på mørk sandmaur i utsjånad, men skil seg frå sistnemnde ved at tregmauren har kanta framhyrne på mellomkroppen.