Trøyttleiksbrot

Trøyttleiksbrot, utmattingsbrot eller stressfraktur er eit trøyttleiksindusert knokkelbrot som skuldast residiverande stress over lengre tid.^[1][2][3] I staden for å bryte etter eit kraftig støyt, oppstår trøyttleiksbrota etter oppsamla trauma frå gjentekne submaksimale påkjenningar, som til dømes springing og hopping. Som følgje av dette er trøyttleiksfrakturar vanlege belastningskadar hjå atletar.^[4]

Allosaurus fragilis er kjent for å vere den dinosauren med flest trøyttleiksbrot ifølgje ein studie frå 2001

Trøyttleiksbrot kan skildrast som ørsmå sprekker eller «årringar» i knokkelen.^[2][5] Dei oppstår oftast i vektberande knoklar, som til dømes skinnebeinet, mellomfoten og båtbeina. Trøyttleiksbrot i lårbeinet, bekkenet og korsbeinet kan førekoma, men er sjeldan.^[6]