Turdoides

Turdoides er ei biologisk slekt av sporvefuglar i lattertrastfamilien Leiothrichidae. Dette er afrikanske artar som lever sør for Sahara med eit unnatak, nepalskrikjetrast, T. nipalensis. Turdoides er typisk ganske store, langhala fuglar som søkjer føde i støyande grupper. Dei fleste artane har diffus brun eller gråbrun fjørdrakt. Nakenkinnskrikjetrast, T. gymnogenys, syner eit avvik med bleikgrått hovud og underside i kontrast til ei mørkare brun overside.

Nakenkinnskrikjetrast, T. gymnogenys

Nepalskrikjetrast, T. nipalensis

Pilskrikjetrast, T. jardineii

Turdoides
Savanneskrikjetrast, T. plebejus
Systematikk
Rike:	Dyr Animalia
Rekkje:	Ryggstrengdyr Chordata
Underrekkje:	Virveldyr Vertebrata
Klasse:	Fuglar Aves
Overorden:	Passerimorphae
Orden:	Sporvefuglar Passeriformes
Familie:	Leiothrichidae
Slekt:	Turdoides Cretzschmar, 1826

Fleire artar som tidlegare var inkludert i Turdoides har vorte overført til Argya etter ein studie frå 2018 som fann fleire klader.^[1] Namnet Turdoides kombinerer namnet for traste-slekta Turdus med det antikke greske -oidēs som betyr «liknar».^[2]

Raudnakketimal, T. rufocinctus, som lever i grensetrakta DR Kongo, Rwanda og Burundi, er den einaste som er på IUCN si globale raudliste kategorisert som sterkt truga (EN). Tre artar er kategoriserte som sårbare (VU), alle andre som livskraftige artar.

Artsliste

Slekt Turdoides i rekkjefølgje etter IOC World Bird List V14.1, 2024,^[3] med norske namn etter Norske navn på verdens fugler:^[4]

• Nepalskrikjetrast, T. nipalensis, Spiny Babbler, (Hodgson, 1836), (LC)
• Kapusinartimal, T. atripennis, Capuchin Babbler, (Swainson, 1837), (VU)
• Kvitstrupetimal, T. gilberti, White-throated Mountain Babbler, (Serle, 1949), (VU)
• Mahognitimal, T. chapini, Chapin's Babbler, (Schouteden, 1949), (LC)
• Raudnakketimal, T. rufocinctus, Red-collared Babbler, (Rothschild, 1908), (EN)
• Savanneskrikjetrast, T. plebejus, Brown Babbler, (Cretzschmar, 1828), (LC)
• Kvitgumpskrikjetrast, T. leucopygia, White-rumped Babbler, (Rüppell, 1837), (LC)
• Kikuyuskrikjetrast, T. hindei, Hinde's Babbler, (Sharpe, 1900), (VU)
• Skjelskrikjetrast, T. squamulata, Scaly Babbler, (Shelley, 1884), (LC)
• Pilskrikjetrast, T. jardineii, Arrow-marked Babbler, (Smith, A, 1836), (LC)
• Nakenkinnskrikjetrast, T. gymnogenys, Bare-cheeked Babbler, (Hartlaub, 1865), (LC)
• Kvithovudskrikjetrast, T. leucocephala, White-headed Babbler, Cretzschmar, 1826, (LC)
• Svarthetteskrikjetrast, T. reinwardtii, Blackcap Babbler, (Swainson, 1831), (LC)
• Dunkelskrikjetrast, T. tenebrosa, Dusky Babbler, (Hartlaub, 1883), (LC)
• Kvitskrikjetrast, T. bicolor, Southern Pied Babbler, (Jardine, 1831), (LC)
• Sumpskrikjetrast, T. hartlaubii, Hartlaub's Babbler, (Barboza du Bocage, 1868), (LC)
• Tygleskrikjetrast, T. sharpei, Black-lored Babbler, (Reichenow, 1891), (LC)
• Ovamboskrikjetrast, T. melanops, Black-faced Babbler, (Hartlaub, 1867), (LC)
• Masaiskrikjetrast, T. hypoleuca, Northern Pied Babbler, (Cabanis, 1878), (LC)