Turkmeneli

Turkmeneli (tyrkisk Türkmeneli^[1]) eller Turkomania er eit område som irakiske tyrkarar, hovudsakleg Den irakiske turkmenfronten, har gjort krav på som heimlandet sitt.

Det strekkjer seg frå grensa til Syria i nord til Iran i det sentrale Irak. Regionen ligg mellom dei arabiske områda i sør og dei kurdiske områda i nord.^[2] Området er meint å omfatte Kirkuk, Tel Afar, Mandali, Mosul og Tuz Khormato,^[3][1] og Kirkuk vert rekna som hovudstaden.^[4] Somme kjelder meiner òg at Erbil og Salah ad-Din er ein del av kravområdet.^[2]

Forslaget om ein tyrkisk/turkmensk autonom region vert rekna som særs kontroversielt.^[5] Den 17. juli 2017 føreslo tyrkarane at Tel Afar og Tuz Khurmatu skulle bli ein autonom irakisk-tyrkisk region og bad om at Kirkuk skulle få «spesialstatus».^[6]