Tveit prestegard

58°13′42.985″N 8°7′16.680″E

Tveit prestegard

Tveit prestegard (gnr./bnr. 110/1) ligg like sørvest for Tveit kyrkje i Kristiansand kommune i Vest-Agder.

Hovudbygningen er lafta i to etasjar og vart oppført mellom 1812 og 1820.^[1] Ved ei omfattende vøling i 1884–87 vart bygningen utvida med ei kontorfløy på vestre gavlvegg. Bygningen har liggjande panel utvendig. Det vart gjort om på romfordelinga i 1960-åra. Prestegarden vart freda i 1991.

Også ein gravhaug i prestegardshagen er freda.^[2] Det er elles gjort diverse funn i prestegardsområdet.^[3]

Tveit prestegard er staden der Tveit formannskapsdistrikt (kommune) vart konstituert 10. januar 1838.^[4] Kommunen vart slegen saman med Kristiansand i 1964.