Twenty 1

Twenty 1 er det 17. studioalbumet (og det 21. i alt) av det amerikanske bandet Chicago. Det kom ut 29. januar 1991 og var det første albumet deira i 1990-åra. Twenty 1 låg 11 veker på den amerikanske Billboard 200, og nådde ein 66. plass,^[2] men gjekk ikkje inn på lista i Storbritannia.

Twenty 1 Studioalbum av Chicago
Utgjeve	29. januar 1991
Innspelt	1990–1991
Sjanger	Rock
Lengd	52:01
Selskap	Full Moon/Reprise Records
Produsent	Ron Nevison utanom «Explain It To My Heart»: Humberto Gatica
Chicago-kronologi
Group Portrait (1991)	Twenty 1	Night & Day Big Band (1995)

Meldingar
Karakter
Kjelde	Karakter
Allmusic	[1]

Bakgrunn

Under innspelinga av Twenty 1 vart det store byte i bandbesetninga. Den opphavlege trommeslagaren Danny Seraphine hadde slutta, og Tris Imboden hadde kome inn på trommer, men det er studiotrommisen John Keane som spelar på dei fleste songane på albumet. Turnégitaristen deira sidan 1986, Dawayne Bailey, spelte som ekstragitarist på Twenty 1.

Bandet henta inn att produsenten Ron Nevison frå Chicago 19. I følgje Nevison var arbeidet med albumet noko fragmentert og bandmedlemmane spelte sjeldan i studio i lag, og arbeidet fortsette med studiomusikarar medan bandet var på turné. Humberto Gatica vart så leigd inn til å mikse albumet, utan at Nevison var med på den biten.^[3]

Musikken for Twenty 1 vart rekna som kommersiell, men skiftet i musikken mot den gryande grunge-røsla gjorde at Chicago mista verdifull radiotid. Nevsion har sagt at om dei originale miksane hans hadde blitt nytta, hadde han vore meir nøgd med albumet og at det då i teorien kunne vore ein større suksess.^[3] Singelen «Chasin' The Wind» nådde nr. 39 og Twenty 1 sjølv nådde 66. plassen, og låg i alt 11 veker inne på lista,^[2] og det vart dermed det nest minst suksessrike albumet deira, berre bak Chicago XIV.

For det som skulle vere det 22. albumet til bandet, Stone of Sisyphus, leigde Chicago inn produsenten Peter Wolf for å utvikle det som skulle bli eit meir ambisiøst og eksperimentelt album. Albumet vart planlagt utgjeve i 1994, men vart utsett og det skulle ta fjorten år, den 17. juni 2008, før det kom ut som Chicago XXXII: Stone of Sisyphus. Ein demo av «Love is Forever» frå Twenty 1-innspelingane var med på Sisyphus.

Twenty 1 var det siste albumet til Chicago med originale songar før Chicago XXX i 2006.

Innhald

Nr.	Tittel	Låtskrivar(ar)	vokal	Lengd
1.	«Explain It to My Heart»	Diane Warren	Scheff, with Champlin	4:44
2.	«If It Were You»	Jason Scheff/Darin Scheff/Tony Smith	Scheff	4:43
3.	«You Come to My Senses»	Billy Steinberg/Tom Kelly	Scheff	3:49
4.	«Somebody, Somewhere»	Champlin/Dennis Matkosky/Kevin Dukes	Champlin	4:21
5.	«What Does It Take»	Scheff/Gerard McMahon	Scheff	4:38
6.	«One from the Heart»	Robert Lamm/McMahon	Lamm	4:43
7.	«Chasin' the Wind»	Warren	Champlin	4:18
8.	«God Save the Queen»	James Pankow/Scheff	Champlin	4:19
9.	«Man to Woman»	Scheff/Adam Mitchell	Scheff	3:56
10.	«Only Time Can Heal the Wounded»	Lamm/McMahon	Lamm	4:43
11.	«Who Do You Love»	Champlin/Matkosky	Champlin	3:20
12.	«Holdin' On»	Champlin/Tom Saviano	Champlin, with Scheff	4:15

Medverkande

• Dawayne Bailey – gitarar, korvokal
• Bill Champlin – klaverinstrument, solo- & korvokal, blåsararrangement (11)
• Tris Imboden – trommer, perkusjon
• Robert Lamm – klaverinstrument, solo- & korvokal, blåsararrangement (6)
• Lee Loughnane – trompet, flygelhorn, korvokal, blåsararrangement (1-9,11,12)
• James Pankow – trombone, korvokal, blåsararrangement (1-9,12)
• Walter Parazaider – treblåseinstrument, korvokal
• Jason Scheff – bass, solo- & korvokal

Andre medverkande

• John Keane – trommer
• Robbie Buchanan – klaverinstrument
• Efrain Toro – klaverinstrument
• Tom Keane – klaverinstrument
• Steve Porcaro – klaverinstrument programmering
• David Foster – akustisk piano
• Michael Landau – gitar
• Stephen «Doc» Kupka – barytonsaksofon
• Jerry Hey – blåsararrangement (10)
• Dennis Matkosky – blåsararrangement (11)

Produksjon

• Produsent og lydteknikar: Humberto Gatica (spor nr. 1), Ron Nevison (spor nr. 2-12)
• Assisterande lydteknikarar – Jim Mitchell & Jeff Poe, Alex Rodriguez
• Miksa av Humberto Gatica
• Produksjonsassistent – Deandra Miller
• Fotografi – Chris Cuffaro
• Plateomslag – Kosh Brooks Design

^[4]