Urtica ferox

Urtica ferox, kjend som ongaonga, er ei nesle som veks endemisk på New Zealand. Planten, som stundom vert kalla «trenesle», har ein treaktig stamme og uvanleg lange og stikkande nåler, og kan veksa fem meter i høgda. Sjølv den aller lettaste kontakten med planten kan føra til eit smertefullt stikk som kan vera plagsamt i fleire dagar.

Urtica ferox
Urtica ferox
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Roseordenen Rosales
Familie:	Neslefamilien Urticaceae
Slekt:	Nesleslekta Urtica
Art:	U. ferox
Vitskapleg namn
Urtica ferox G.Forst.

I maori-folkeminne heiter det at Kupe skal ha lagt ut talrike hinder for å seinka forfølgjarar som han hadde stole konene frå; og eit av desse var ongaonga.

Ongaonga er den viktigaste næringsplanten til larven til sommarfuglen New Zealand red admiral eller kahukura, Bassaris gonerilla.

Der er ein rapport om eit dødsfall av menneske etter kontakt med planten—ein lettkledd jeger som (i 1961) døydde fem timar etter å ha gått gjennom eit tett kratt.^[1]