Elva Uruguay

Den ca. 1600 km lange elva Uruguay (spansk Río Uruguay, portugisisk Rio Uruguai) er ei elv i Sør-Amerika som over lange strekk dannar grensa mellom landa Brasil, Argentina og Uruguay, og som til slutt – saman med Paraná – dannar Río de la Plata. Namnet betyr noko sånt som «elva med den fargerike fuglen».

Uruguay
elv
Fossefallet Salto Yucumã – spansk Saltos del Moconá
Land	Brasil,  Argentina  Uruguay
Nedslagsfelt	365 000[1] km²
Lengd	om lag 1 600[2] km
Kjelde	elva Pelotas, Serra Geral, Brasil
•  høgd	1 800 moh.
Munning	Río de la Plata, Uruguay og Argentina
•  høgd	0 moh.
Elva Uruguay 27.608333333333°S 51.455833333333°W / -27.608333333333; -51.455833333333
Kart som viser Elva Uruguay. Kart som viser Elva Uruguay.
Wikimedia Commons: Uruguay River

Elva Uruguay oppstår ved samløpet av elva Canoas og elva Pelotas i den sørlege delen av det brasilianske høglandet, på grensa mellom delstatane Santa Catarina og Rio Grande do Sul. Ho renn vestover langs grensa mellom dei to delstatane, og dannar deretter grensa mellom Argentina og Brasil før ho bøyer seg sørover. Frå El Soberbio, litt lenger oppover elva, ligg det 2 km lange fossefallet Salto Yucumã. Dette fossefallet er unikt i verda ved at det spring parallelt med elveløpet. På dei siste ca. 300 km dannar elva Uruguay grensa mellom Argentina og Uruguay, som har fått namnet sitt frå plasseringa si aust for elva («Republikken aust for Uruguay»).

På den siste delen av elvestrekninga langs den uruguayanske sida finst det totalt 13 festningar, som vart bygde på 1800-talet i samband med fridomskampane i landet. Nokre av desse er i dag restaurerte og blir brukte som museum.

Elva Uruguay er farbar med skip opp til Paysandú, men mykje kortare enn «tvillingelva» Paraná, ettersom ho har langt fleire stryk. Det totale elveløpet er ca. 1600 km langt.^[2] Nedbørfeltet dekkjer eit område på 365 000 km².^[1]