Ürümqi

Ürümqi (mongolsk: «fagert beite»)er ein by på prefekturnivå og regionshovudstad i den autonome regionen Xinjiang i Nordvest-Kina. Byen ligg ved foten av Tian Shan-fjella. I Guinness rekordbok held Ürümqi rekorden for å vera byen som ligg lengst unna noka kystlinje. Klimaet i byen er turt med svært varme somrar og svært kalde vintrar.

Ürümqi, 烏魯木齊
tidlegare: Dihua, pinyin: Wūlǔmùqí, wade-giles: Wū-lǔ-mù-ch'í, uigurisk: ئۈرۈمچى
Utsyn over Ürümqi frå Hong Shan-høgda. Utsyn over Ürümqi frå Hong Shan-høgda.
Land Region	Folkerepublikken Kina Xinjiang
Borgarmeister	Jerla Isamudin
Flatevidd	13 783,1 km²
Flatevidd  - By	10,989 km2 km²
Innbyggjarar  • By (2005)    - folketettleik	2,681,834   244/km²
Koordinatar	43°48′N 87°35′E
Høgd	ca. 900 m
Tidssone	UTC + 8 (UTC+8)
Postnummer	830000
Retningsnummer	991
Bilnummer	A
Nettstad: http://www.urumqi.gov.cn
Plassering av Ürümqi

Infrastruktur

Byen er sterkt veksande på grunn av ein medviten innflyttingspolitikk frå kinesisk side, og er no den største byen i Vest-Kina. Størstedelen av innbyggjarane er no Han-kinesarar, og den nest-største gruppa er uigurar. Frå 1990-åra har byen fått både jarn- og stålverk, produksjon av jordbruksmaskiner, samt produksjon av sement, tekstil, kjemiske og petrokjemiske produkt, papir og lêr.

Kommunikasjonen i byen er god, med både jarnbanesamband, eigen flyplass og godt utbygd vegnett. Her ligg også fleire regionsuniversitet og høgskular.

Administrative einingar

Nummerert kart over Ürümqi

Prefekturet Ürümqi er delt inn i 9 distrikt og fylke. 4 av desse ligg i byområdet.

1. Tianshan
2. Saybagh
3. Xinshi
4. Shuimoghou
5. Toutunhe
6. Dabanche
7. Midong
8. Ürümqi

Kjelder

«Ürümqi» i Store norske leksikon, snl.no. av Cato Næverdal.

• Engelsk og Bokmålswikipedia om Ürümqi, henta inn 1. april 2011.