Valdemar den unge

Valdemar den unge (kring 1209–28. november 1231) var dansk medkonge i åra 1215–1231.

Valdemar den unge
Fødd	1209 Danmark
Død	28. november 1231
Tittel	Danmarks monark
Hus eller slekt	Huset Estridsen
Gravstad	St. Bendts kirke
Land	Kongeriket Danmark
Mor	Dagmar av Danmark
Far	Valdemar II av Danmark
Ektefelle	Eleonore av Portugal
Barn	Sophie Valdemarsdatter

Han var det einaste barnet til Valdemar Sejr] og dronning Dagmar. Allereie då han var seks år gammal tok faren han som medkonge. I 1218 blei han også krona i Slesvig.^[1][2]

Under ei jakt på Lyø i Sydfynske Øhav, blei Valdemar og faren tekne til fange av grev Henrik av Schwerin (ca. 1155–1228). Tre år seinare blei dei sleppte fri.

I 1229 gifta Valdemar seg med den portugisiske kongsdottera Eleonore, ei brordotter av Valdemar Sejr si anndre kone Berengária. Eleonore døydde i barselseng allereie i 1231, og barnet deira blei berre eit halvt år gammalt. Sjølv døydde Valdemar av eit vådeskot under ei jakt på Refsnæs i 1231.^[1] Forfatter, filolog og prest Laurids Olufsen Kock (ca. 1634–1691) skreiv visa «Jagten paa Refsnæs» til minne om hendinga.^[3]

Paret er gravlagd i St. Bendts kirke i Ringsted på Sjælland.