Valentigney

Valentigney er ein kommune i departementet Doubs i regionen Bourgogne-Franche-Comté i Aust-Frankrike. Kommunen ligg i kantonen Valentigney som tilhøyrar arrondissementet Montbéliard. I 2017 hadde han 10 714 innbyggjarar.

Valentigney
Rådhuset i Valentigney Rådhuset i Valentigney
Byvåpen
Land Region Departement	Frankrike Bourgogne-Franche-Comté Doubs
Flatevidd	9,74 km²
Flatevidd  - By	9,74 km²
Innbyggjarar  • By (2017)    - folketettleik	10 714   1 100/km²
Koordinatar	47°27′45″N 06°49′56″E
Høgd	356-548 m
Tidssone - Ved sommartid	CET (UTC+1) UTC+2 (UTC)
Postnummer	25700
Nettstad: https://www.ville-valentigney.fr

Valentigney er best kjent som staden der Peugeot starta verksemda si. Byen er eit knutepunkt for utviklinga av fransk bilindustri (fleire medlemmer av Peugeot-familien bur framleis i område) og flyindustri (med Étienne Œhmichen).

I løpet av 1800-talet og tidleg på 1900-talet emigrerte mange frå Valentigney og nærliggande område, som Montbéliard til Nordvest-Ohio, spesielt Williams County.^[1]

Namn

Namnet Valentigney [valɑ̃tiˈɲe:] kjem frå førenamnet Valentin og suffikset -ey og er skrive som valentinié i eit manuskript frå 1135 ved klosteret Belchamp.^[2]

Innbyggjarane vert på fransk kalla Boroillots^[3][a] kalla opp etter dei spesielle små fata eller tønnene, boroilles, som vart produserte lokalt.

Merknadar

1. Uttalt [bɔʁɔjɔ]