Varangerbotn

Varangerbotn (nordsamisk Vuonnabahta)^[1] er ei bygd og administrasjonssenter i Nesseby kommune i Aust-Finnmark i Finnmark fylke. Staden ligg inst i Varangerfjorden.^[2] Grunnkrinsen Varangerbotn hadde 341 innbyggjarar den 1. januar 2017.^[3]

Varangerbotn
stad
Land	Noreg
Fylke	Finnmark
Kommune	Nesseby
Postnummer	9820 VARANGERBOTN
Preposisjon	i Varangerbotn
Ferdselsårer	E75 E6
Varangerbotn 70.17279°N 28.5557°E / 70.17279; 28.5557

Europaveg 6 går gjennom staden, medan Europaveg 75 startar her på veg austover mot Vardø.

Historie

Under andre verdskrigen skipa okkupasjonsmakta ein fangeleir i Vesterelv.

Dei siste kampane mellom sovjetiske og tyske styrkar i Noreg stod i Varangerbotn den 6. november 1944.^[4]

Kultur

Her ligg Varanger samiske museum (samisk Varjjat Sami Musea). Museet viser samisk kultur i Finnmark. Det består mellom anna av Amtsmannsgammen (med båthus, fartøy og samisk handverk) og Isak Saba-huset, barndomshuset til den første samiske representanten på Stortinget. Han vart vald til på Stortinget for Arbeidarpartiet og sat der frå 1906 til 1912.