Vardoúsia

Vardoúsia (gresk Βαρδούσια) eller Vardoussia er ei fjellkjede i periferieininga Fokída i Hellas. Den høgaste toppen heiter Korakas (Κόρακας, i antikken Κόραξ, Korax) og er på 2 495 moh. Píndosfjella ligg i nordvest, medan Panetolikófjella ligg i vest. Fjellet er delt inn i tre delar: Nord-Vardoúsia, der den høgaste toppen er Sináni (2 059 m), den svært bratte Vest-Vardoúsia, der den høgaste toppen er Soúfles (2 300 m) og Sør-Vardoúsia med Kórakas som den høgaste toppen. Heile kjeda er om lag 30 km lang frå nord til sør og om lag 15 km brei.

Vardoúsia Βαρδούσια
fjell
Vardoúsia med toppen Kórakas sett frå vest
Land	Hellas
Område	Fokída
Høgd	2 495 moh.
Vardoúsia 38.679831°N 22.142922°E / 38.679831; 22.142922
Wikimedia Commons: Vardousia

Frå toppen av fjella kan ein mellom anna sjå Panetolikó i vest, Sperkhiósdalen, Giónafjella i nordaust, og ein sjeldan gong kan ein sjå Maliábukta.

Av elvar som har sitt utspring i fjella finn ein Mórnos, Kókkinos og Évinos.

Nærliggande stader

• Vest: Artotína, Dikhório, Dáfnos, Diakópi
• Sør: Kállio
• Aust: Athanásios Diakós (Áno Mousounítsa), Mousounítsa, Koniákos, Trivídio

Fleire av desse landsbyane danna tidlegare kommunen Vardoúsia, frå 2011 ein del av den større kommunen Dorída.

Kjelde

• Denne artikkelen er basert på ei omsetjing av artikkelen Vardousia frå Engelsk Wikipedia .