Verdsborgar

Verdsborgar eller kosmopolitt (av gresk kosmos '(verds)orden' og polites 'borgar') viser til ein person som reknar heile verda som heimlandet sitt. Det kan ha ei filosofisk tyding der einkvan ikkje godtek nasjonar eller liknande inndelingar av menneskja, eller meir kvardagsleg om ein verdsvan person.^[1]

For andre tydingar av oppslagsordet, sjå kosmopolitt.

Diogenes frå Sinope måla av John William Waterhouse.

Omgrepet blei skapt av den greske filosofen Diogenes frå Sinope (Kynikaren), som då han blei spurt kvar han var frå svara «eg er ein borgar av verda» (kosmopolites).^[2] Sokrates hadde tidlegare sagt noko liknande då han identifiserte seg som tilhøyrande verda i staden for ein enkelt by (polis).^[3]