Vernadskij-stasjonen

Vernadskij-stasjonen (ukrainsk Академік Вернадський; Akademik Vernadskyj) er ein ukrainsk forskingsstasjon ved Marina Point på IÎles Galindez i Argentine Islands i Antarktis.

Vernadskij-stasjonen
stasjon
«Akademik Vernadskyj», den ukrainske antarktisstasjonen (i 2000)
Land	Antarktis
Stad	Graham Land
- koordinatar	65°14′44.44″S 64°15′28.17″W
Administrert under	Antarktistraktaten
Vernadsky-basen 65.24574295°S 64.25748123°W / -65.24574295; -64.25748123
Vernadskij-stasjonen (Antarktis)
Wikimedia Commons: Academic Vernadsky Station

Historie

Storbritannia

Stasjonen vart oppretta av britiske Falkland Islands Dependencies Survey som Base F^[1] eller «Argentine Islands» på Winter Island i 1947. Hovudhytta, som vart bygd på same stad som ei tidlegare hytte under British Graham Land Expedition, vart namngjeven «Wordie House» etter sir James Wordie, eit medlem på Endurance-ekspedisjonen til Ernest Shackleton som vitja under bygginga.^[2]

Wordie House er restaurert og har status som historisk stad og monument nr. 62.^[3] Basen vart flytta til nærliggande IÎles Galindez i mai 1954 der hovudbygningen fekk namnet «Coronation House».

Basen fekk namnet Faraday-stasjonen i august 1977 til ære for den britiske forskaren Michael Faraday.^[4]

Ukraina

Ukraina tok over drifta av basen i februar 1996^[4] for den symbolske summen eitt pund. Kostnaden med å demontere basen utan å forstyrre miljøet ville bli for dyrt. Det ukrainske antarktissenteret heldt fram med å forske på meteorologi, atmosfærisk fysikk, geomagnetisme, ozon, seismologi, glasiologi, økologi, biologi og fysiologi.^[5]