Vivendel

Vivendel (Lonicera periclymenum) er ein lian i leddvedslekta i kaprifolfamilien som klengjer seg på andre tre og buskar. Han veks vilt i Europa pg blir også brukt som hageplante.

Vivendelblomar.

Foto: Trish Steel, 2005

Vivendel
Vivendel
Systematikk
Rike:	Planteriket Plantae
Rekkje:	Karplantar Tracheophytes
Underrekkje:	Frøplantar Spermatophytes
Orden:	Dipsacales
Familie:	Kaprifolfamilien Caprifoliaceae
Slekt:	Leddvedslekta Lonicera
Art:	Vivendel L. periclymenum
Vitskapleg namn
Lonicera periclymenum L., 1753

Utsjånad

Vivendel har klengjestengel, og tvinnar seg rundt andre tre og greiner. Stengelen kan bli mange meter lang. Vivendel har einskilde mjuke hår på blada, og store lysgule blomsterhovud i greintoppane. Blomstrane kan vere raudfarga på utsida.

Blomsteren på vivendel ser ut som ein rett trompet. Det er berre insekt med lang sugesnabel som rekkjer ned til nektaren inst i blomsterrøyret.

Etter blomstring får vivendelen raude bær.

Utbreiinga av vivendel.

Utbreiing

Vivenvdel finst i Vest-Europa, på øyar i Middelhavet, i Marokko og i Vesleasia. I Noreg veks vivendelen kring Oslofjorden og i kyst- og fjordstrok nord til Velfjord. I Sokndal veks han opp til 450 moh. Vivendelen veks òg i kyststrok i Sør-Sverige.

Kultur

Vivendel er fylkesblomster i Aust-Agder.