Vincenzo Bellini

Vincenzo Bellini (3. november 1801–23. september 1835) var ein siciliansk operakomponist. Han var ein av dei viktigaste komponistane av bel canto-operaer, og var kjent for sine flytande melodilinjer som gav han tilnamnet «Catanias svane». Dei best kjente operaene hans er La Sonnambula og Norma (begge 1831).

Vincenzo Bellini
Fødd	3. november 1801
Fødestad	Catania
Død	23. september 1835 (33 år)
Dødsstad	Puteaux
Fødenamn	Vincenzo Salvatore Carmelo Francesco Bellini
Opphav	Kongeriket Sicilia
Sjanger	opera, symfoni
Verka som	komponist
Prisar	Ridder av Æreslegionen

Liv og virke

Bellini var fødd i Catania på Sicilia som eldste son av Rosario Bellini og Agata Ferlito. Han viste tidleg anlegg for musikk. Bestefar hans Vincenzo Tobia Bellini, som var kapellmeister ved katedralen i Catania, gav han den fyrste musikkopplæringa.

Hertugen og hertuginna av Sammartino hjelpte han med studium ved Reale Collegio di Musica di San Sebastiano i Napoli, der han var student frå 1819 til 1825. Dei viktigaste lærarane hans var fyrst Giovanni Furno (harmonilære), Giacomo Tritto (kontrapunkt) og Carlo Conti (cembalo); seinare fikk han undervising av Nicolò Zingarelli, som var direktør ved konservatoriet og sjølv var ein populær operakomponist. Her studerte Bellini meistrane innen den napolitanske skulen, og orkesterverk av Haydn og Mozart.

12. mars 1825 oppførte Bellini sveinestykket sitt, operaen Adelson e Salvini, ved teateret til konservatoriet. Suksessen gjorde impresarioen ved Teatro San Carlo, Domenico Barbaja, merksam på Bellini. Barbaja var kjend for å oppdage lovende talenter, han hadde til dømes hjelpt fram Gioacchino Rossini, og han bestilte ein opera av Bellini. Resultatet ble Bianca e Fernando, som blei uroppført 30. mai 1826.

Vincenzo Bellini døydde 23. september 1835 i Puteaux nær Paris i Frankrike.

Operaer

Tittel	Sjanger	Akter	Libretto	Premieredato	Premierestad
Adelson e Salvini	opera semiseria	3 akter	Andrea Leone Tottola	12. (?) februar 1825	Napoli, Teatro del Conservatorio di San Sebastiano
Bianca e Gernando	melodramma	2 akter	Domenico Gilardoni	30. mai 1826	Napoli, Teatro San Carlo
Il pirata	melodramma	2 akter	Felice Romani	27. oktober 1827	Milano, Teatro alla Scala
Bianca e Fernando (revisjon av Bianca e Gernando)	melodramma	2 akter	Felice Romani	7. april 1828	Genova, Teatro Carlo Felice
La straniera	melodramma	2 akter	Felice Romani	14. februar 1828	Milano, Teatro alla Scala
Zaira	tragedia lirica	2 akter	Felice Romani	16. mai 1829	Parma, Teatro Ducale
I Capuleti ed i Montecchi	tragedia lirica	2 akter	Felice Romani	11. mars 1830	Venezia, Teatro La Fenice
La sonnambula	opera semiseria	2 akter	Felice Romani	6. mars 1831	Milano, Teatro Carcano
Norma	tragedia lirica	2 akter	Felice Romani	26. desember 1831	Milano, Teatro alla Scala
Beatrice di Tenda	tragedia lirica	2 akter	Felice Romani	16. mars 1833	Venezia, Teatro La Fenice
I puritani	melodramma serio	3 akter	Carlo Pepoli	24. januar 1835	Paris, Théâtre-Italien

Sjå òg

• Gioacchino Rossini
• Gaetano Donizetti
• Saverio Mercadante

Kjelder

• Denne artikkelen bygger på «Vincenzo Bellini» frå Wikipedia på bokmål, den 3. januar 2019.

Bakgrunnsstoff

Commons har multimedium som gjeld: Vincenzo Bellini

• Fritt tilgjengelege notar av Vincenzo Bellini ved International Music Score Library Project (IMSLP)

• Fritt tilgjengelege notar av Vincenzo Bellini i Choral Public Domain Library (ChoralWiki)
• Teatro Massimo Bellini, Catania