Vorticisme

Vorticisme (ca. 1913–1915) var ei kortliva modernistisk retning innan poesi og biletkunst.^[1] Ho avviste tradisjonelle uttrykk, som landskaps- og aktmåleri. I staden blei det framheva ein geometrisk orientert, meir abstrakt stil som ikkje er ulik kubismen. Retninga knyter seg også til futurismen, som oppstod omtrent samtidig.

Lawrence Atkinsons akvarell The Lake frå midten av 20-talet viser ein klar påverknad frå vorticismen.

Rørsla hadde utspring i krinsar kring det London-baserte litterære magasinet BLAST, og kunstnaren og forfattaren Wyndham Lewis var ein av grunnleggjarane. Forfattaren Ezra Pound gav namn til rørsla.^[2]

Trass den korte levetida si har vorticismen hatt stor innverknad på samtidskunsten.^[3][4]