Wupper

Wupper er ei elv i Nordrhein-Westfalen i Tyskland, og ei av sideelvane til Rhinen frå høgre. Ho har sitt utspring nær Marienheide vest i Sauerland. Den øvre leia vert kalla Wipper. Elva er 113 km lang og renn gjennom byen Wuppertal der svevebanen Schwebebahn Wuppertal følgjer elva, like over elveleiet. Elefanten Tuffi hoppa i elva frå Schwebebahn 21. juli 1950.

Wupper
elv
Wupper under Schwebebahn
Land	Tyskland
Nedslagsfelt	827 km²
Lengd	113 km
Middelvassføring	15,4 m³/s
Kjelde	Sauerland
•  høgd	441 moh.
Munning	Rhinen
Wupper 51.095278°N 7.597222°E / 51.095278; 7.597222
Wikimedia Commons: Wupper

Elva er ikkje framkommeleg for båtar og ligg i det tidlegare Hertugdømet Berg. Før industrialiseringa vart vatnet nytta i garveri. Tidleg industrialisering nytta seg av dei mange bekkane som renn ut i Wupper til vasskraft.

Elva vert kryssa av den høgaste jernbanebrua i Tyskland nær Müngsten mellom Remscheid og Solingen. Eit par kilometer lenger ned ligg Schloss Burg på ein ås ovanfor elva. Elva munnar ut i Rhinen i Leverkusen, sør for Düsseldorf.

Kjelde

• Denne artikkelen er basert på ei omsetjing av artikkelen Wupper frå Engelsk Wikipedia .