Your Latest Trick

«Your Latest Trick» er ein song av Dire Straits frå albumet Brothers in Arms i 1985. Han vart òg gjeven ut på konsertalbumet On the Night og det same konsertopptaket vart gjeven ut på samleplate Sultans of Swing: The Very Best of Dire Straits. Studioversjonen vart òg gjeven ut på samleplata The Best of Dire Straits & Mark Knopfler: Private Investigations.

Your Latest Trick Singel av Dire Straits frå albumet Brothers in Arms
Utgjeve	1986 1993 (Frankrike)
Innspelt	1985
Sjanger	Jazzrock
Lengd	6:33
Selskap	Vertigo/Warner Bros.
Tekstforfattar	Mark Knopfler
Låtskrivar(ar)	Mark Knopfler
Produsent	Mark Knopfler, Neil Dorfsman
Dire Straits-kronologi
«Walk of Life» (1986)	Your Latest Trick	«Calling Elvis» (1991)

Tekst og musikk

Randy Brecker spelar trompet på introen på CD-versjonen, men denne manglar på vinylversjonen. Etter dette kjem det ein saksofonintro av Michael Brecker, som òg spelar saksofonsoloen. Chris White spelte saksofon på turneane etter Brothers in Arms og On Every Street.

Saksofonintroduksjonen vert ofte nytta når folk testar ut saksofonar i musikkforretningar,^[1] på same måte som Led Zeppelin sin «Stairway to Heaven» vert mykje nytta under testing av gitarar.

Singelutgåva

«Your Latest Trick» vart gjeven ut som ein 12" maxi-singel den 28. april 1986, som den femte singelen frå «Brothers in Arms» i Storbritannia, i tillegg til utvalde andre land, som Brasil.^[2] Singelen vart ikkje gjeven ut i USA. Han nådde 26. plassen i Storbritannia.

Dei andre songane på singelen var «Irish Boy» og «The Road», begge soloinnspelingar av Mark Knopfler.

Innhald

7"

1. «Your Latest Trick"
2. «Irish Boy» av Mark Knopfler
3. «The Road» av Mark Knopfler

12" maxi

1. «Your Latest Trick» — 6:28
2. «Irish Boy» av Mark Knopfler — 4:36
3. «The Long Road» av Mark Knopfler — 7:13

Lister

Liste (1986)	Plassering
Irish Singles Chart[3]	6
UK Singles Chart[4]	26
Liste (1993)1	Plassering
Frankrike[5]	1

¹ EP «Your Latest Trick» / «Encores»