Zenne

Zenne (eller Senne på (fransk) er ei lita elv som renn gjennom Brussel, og er ei av sideelvene til Dijle. Ho har utspring i kommunen Soignies, og endar til slutt opp i Schelde via Dijle og Rupel). Woluwe er ei av sideelvene til Zenne. Den totale lengda hennar er 103 km.

Zenne
elv
Zenne ved Rebecq
Land	Belgia
Renn gjennom	Brussel
Lengd	103 km
Kjelde	Soignies
Munning	Dijle
Zenne 51.064095°N 4.429268°E / 51.064095; 4.429268
Wikimedia Commons: Senne/Zenne

I sentrum av Brussel vart Zenne totalt bygd over på 1800- og 1900-talet. Ho er derimot framleis synleg i utkanten og utanfor byen.

Ein gullfarga Iris vart brukt som emblem for Hovudstadsregionen Brussel, sidan ho voks i dei myrlendte slettene rundt elva.

Zenne er kjend for å vere ei av dei mest forureina elvene i Belgia, sidan avløpsvatn frå Brussel går ureinska ut i elva. Dette problemet skal derimot løysast i nær framtid sidan eit kloakkreinseanlegg er under bygging.

Ein unik gjærsopp som veks i Zennedalen vert brukt i produksjonen av ølsorten Lambic.