Continnent

Un continnent ( continnent) est eune grand'-tèrre, un grand tèrritouaithe géographique. Touos l's ièrs n'vaient pon d'eune sorte sus la tchestchion coumme tchi dêcrithe un continnent.

Ch't' articl'ye fut c'menchie en Jèrriais

Y'en a tchi dithent qu'la Tèrre a 7 continnents:

• Afrique
• Améthique du Nord
• Améthique du Sud
• Antarctique
• Âsie
• Australâsie
• Ûrope

Y'en a tchi prannent l'Ûrope et l'Âsie ensembl'ye en un continnent tch'a nom Ûrâsie. Et y'en a tchi craient qu'i' n'y'a qu'un continnent Améthitchain. Nou dit qu'les chîn bagues des Olŷmpiques èrprésentent les chîn continnents habités.

L'Âsie est l'continnent l'pus apeuplyi du monde.

4 continnents[1][2]	Améthique		Afrique-Ûrâsie			Australâsie	Antarctique
5 continnents	Améthique		Ûrâsie		Afrique	Australâsie	Antarctique
5 continnents[3][4]	Améthique		Âsie	Ûrope	Afrique	Australâsie
6 continnents[1][2]	Améthique		Âsie	Ûrope	Afrique	Australâsie	Antarctique
7 continnents	Améthique du Nord	Améthique du Sud	Âsie	Ûrope	Afrique	Australâsie	Antarctique
*	Nouveau Monde		Ancien Monde

continnent (km²) Âsie 43 810 000 Afrique 30 370 000 Améthique 42 330 000 Antarctique 13 720 000 Ûrope 10 180 000 Australâsie 9 010 000

continnent 2014 % Âsie 4 511 192 991 60,3 % Afrique 1 115 594 100 14,9 % Améthique 1 040 000 000 13,9 % Ûrope 780 192 000 10,4 % Australâsie 38 889 988 0,52 % Antarctique 4 490 0,00006 %

Géologie

les pliats tectonniques

Ayant r'mèrtchi d'pis la dêcouvèrte Ûropéenne du Nouvieau Monde, qu'les continnents des deux bords d'l'Atlantique fit'taient ensembl'ye, des géologistes dé d'vièrs lé c'menchement du 20e siècl'ye dêv'loppaient eune théorie qu'les continnents avaient 'té r'jouaints au temps pâssé.

S'lon la théorie des continnents fliottants, y'a des pliats tectonniques tchi fliotte sus l'asthénosphéthe (la mathe fondue tch'entouothe la Tèrre souos l'manté solide).