ANZUS

L'ANZUS ( « Australia, New Zealand, United States Security Treaty » en anglés) foguèt un pacte militar defensiu signat a San Francisco lo 1^èr de setembre de 1951 entre leis Estats Units d'America, Austràlia e Nòva Zelanda. Dempuei 1985 e lei refús simultanèus de Nòva Zelanda d'autorizar la preséncia d'armas nuclearas ò de naviris de propulsion nucleara sus son territòri e deis Estats Units d'America d'informar lo govèrn neozelandés de la preséncia d'armas nuclearas sus seis unitats, lo tractat es considerat suspendut per Washington e Wellington.

Extension de l'ANZUS a sa creacion.

A l'origina, l'objectiu èra de s'aparar còntra l'emergéncia d'un novèu poder militarista japonés. Pasmens, dins l'encastre de la Guèrra Freja, evolucionèt rapidament vèrs la lucha anticomunista. Favorizèt lo remplaçament dau Reiaume Unit per leis Estats Units d'America coma poissança dominanta de l'Ocean Pacific.

Liames intèrnes

• Organizacion del Tractat de l'Atlantic Nòrd.

Bibliografia